عندما تحب الفتاة تعتبر خيانه لأهلها..؟؟؟؟؟

لامو خيانة ابدا لان الحب بالاخير موحرام الله ماحرمو المهم البنت ماتعمل شي غلط

وعاكل حال اذ خيانة لاهلي موافقة ومابتخلى عن حبيبي شوماصار

ميرسي حمادة مهم هالتوبيك

الله يخليلي ياكي ومايحرمني منك انتي واهلك يا رب

منورة حبيبتي

وبتمنى شوف رأي باقي الاعضاء

الحب اله حدود كتيرة

ومو معقول تكون خيانة للاهل

شوهل اهل هدول ؟؟

والحبيب والحبيبه اذا ناوينها مافشر مين يفرقهن عن بعض

متل سونا وابوحميد حب 4ever

صح ولا كيف ؟؟هه

ميرسي عالطرح المميز

يعني هو مو خيانة بالمعنى الحرفي هوتخباية
والانسان مابخبي الا الشي الغلط او العيب فهي اذا حاسة حالة مو غلطانة تجرب تصارح اهلها وتشوف النتيجة انا من وجهت نظري مابقبل انو حدا يقرب على وردت حياتي بنتي ويشمها بدون علمي وبعتبرها خيانةمن بنتي الي

ليش خيانة من بنتك ليش هي شو عم تعمل

انتي عم تقولي انو عم تخبي الغلط او العيب وهاد الشي مو صحيح

لانو بمجتمعنا الحب عيب !!!! وهي العقليات اللي بتكون ضد الحب وخصوصا بعمر مبكر هي اللي بتخلينا نخبي وما نقول بس هاد الشي مابيعني انو الحب غلط أو عيب ولا بيعتبر خيانة للأهل لانو بالأول وبالاخر بنتك مو الك لجوزا
فبالتالي ليش خيانة؟؟؟؟؟؟

========================================

وعم تقولي تجرب تصارح اهلها ما الموقف واضح ومعروف من قبل ماتصارح لانو مجتمعنا هيك بيرفض اي شي من هاد النوع وبيعتبرو عيب وغلط متل ماعم تقولي انتي

أكيد رح تلاقي هاد الشي غلط بس لو كنتي انتي واقعة بهالحب مارح تلاقيه غلط ومارح تلاقي اي مبرر لاهلك اذا رفضو ورح تكوني ضدن لانو انتي بالاول وبالاخر ماعم تعملي شي غلط

برايي انا ابدا موخيانة ولو اهلنا بيتقبلو هالاشيا كنا خبرناهم بس هنن جبرونا نخبي=

=======

ايوا هيك مودي والله ماحدا بيفرقنا انشالله

الحب هو من الغرائز التي تقوم عليها النفس البشرية .والميول للطرف الآخر هو شعور طبيعي جدا , واذا لم يكن موجوداأو كان بصورة أخرى يعتبر صاحبه شاذا .
ولكن هذا الشعور النبيل من الممكن أن ينقلب وحشا شرسا ومدمرا اذا ما وضع في سياقه الطبيعي ووضع في اطاره الصحيح , فالله سبحانه وتعالى خلق فينا براكين من الأحاسيس المتفجرة ولكن بنفس الوقت علمنا كيف نهذبها ونصرف فورانها بطرق صحيحة وسليمة , فالحب بركان متفجر يختلج بين جوانح الانسان ذكرا كان أم انثى ومساره الطبيعي واطاره الصحيح هو أن يكون واضحا صريحا علنيا ولا ينمو هذا الحب ولا يترعرع الا بتربة سليمة ونور كامل وتحت أنظار الأهل والأحباب وبمباركة منهم , والحبيب محمد (صلى الله عليه وسلم) يقول (لا أرى للمتحابين الا الزواج) , والحب الذي يولد في الظلام ويبقى حبيس صدر المحب لم ولن يثمر وطبعا ثمرته الزواج ومن أهم أركان الزواج الصحيح العلنيه كما نعلم . فعندما يخبئ المحب حبه ذكرا كان أم انثى فهذا لشعور داخلي بأنه يقوم بأمر خاطئ أو معصية يستتر منها , فاذا كان حبه صافيا نقيا سيؤتي أكله في النهايه وان كان هذا المحب في سن مناسب وكان مستطيع الباءة كما قال حبيبنا محمد (صلى الله عليه وسلم) اذا فليعلن حبه ولم التكتم على ما هو محلل . فالزواج وكما نعلم هو أحل الحلال , أما اذا كان حبه لملئ فراغ أو شعور بالنقص في بعض الأحيان وهذا الشيء نجده بين صفوف المراهقين فالاختباء والسرية هو أنسب الحلول للهروب من الواقع وهذا الشيء طبعا سيؤدي الى الحرام وستكون عواقبه سيئه على كافة الصعد .

بس احمد في معلومة حابة قلك ياها انو انا لو بعرف الشب يلي عم يحكي مع بنتي متلك بصدقك وصراحتك وطيبتك واخلاقك كنت انا بساعدها لتوصل لعندو وتصير جزء من حياتو بس انا ما بضمن كل العالم ومو كل مين حكى مع بنت بكون صادق من كل الف واحد لتلاقي واحد اذا بدك استنى بنتي شو رايك هههههههههه

شو يابعدي يستنى ميييييييييين ام عمر خلينا حبايب يرضى عليكي

خخخخخخخخ سونا احمد بجزلو اربعة ولا يهمك حبيبتي بنتي التانية
فما الحب الا للحبيب الاولي

ههههههههههههههه تسلميلي ام عمر انا الله كافيني والحمد لله شايف سوسو ومو مصدق ماعاد ينفع معي اي وحدة تانية يعني فيكي تقولي ماعاد يعجبني شي بعد ما شفت هالقمر اللي عندي

وفي شغلة انو انا عم ناقشك الك ومتأكد انو هاد مو كلامك مو ؟؟؟؟؟؟؟

خخخخخخخ شكلك كشفت الخطبة من مين
والله يخليلك حبيبة قلبك

اي ما احلاني وما اكشفها ام عمر ولو

بس انا كان بدي ناقشك الك بدي اعرف رايك الك ووصل معك لفكرة معينة مع احترامي الشديد للكلام المظبوط 100%

بس اول رد كان راي مو رأي محمد بس الخطبة منو

لا خيانه ولا جريمه لانه الحب اصلا حلال

على ئولة نجوى كرم اعلني حبك ربك حللو خخ

الحب مو عيب واكيد في بمجتمعنا حب شريف وصادق بس نادر الوجود

يسلمو عالطرح