مــــــــــــايك المنتدى

لكــــــل عضو .. صوت .. لابد أن يـُـــــــــسمع ..






ونحــــن كأخوة .. هنا ..






من واجبنا .. أن نستمع لبعضنا ..!






* ومن هذا المنطلـــق *






برزت فكـرة " مايـــك المنتدى "..


[ندعوك للتسجيل في المنتدى أو التعريف بنفسك لمعاينة هذا الرابط]



لذا .. سيحــق .. في كل يـــــــوم ... لعضو واحـــــد فقط







أن يتملك المايك .. ويفصح من خلاله .. عما يريد قوله ..!








قواعـــــــد المايك ..






1) للعضـــــــو ((صاحب المايك)):






لك أن تقول ما يحلو لك .. ( مقال .. خاطرة .. قصيدة .. تعرف بذاتك..او مشكله تريد حلها ) ..






ولك أن تجمعهم كلـــــــهم .. او اي شي يخطر ببالك





فـــشـــعــــــــــــــــــارنااا



من قدك المايك في يدك








2) للأعضــــــاء((المستمعين)):




عـــــدم مقاطعة العضــــــو بالردود " يعني .. ممنوع أي أحــد يرد .. على الموضوع .. قبل مايقول





العضو اللي معه المايك .. (( انتهيت ))





ومن بعدة الكل يقول رايه





وذلك لإعطاء حرية أكبر .. للعضو .. في قول مايريد وبدون بلبلة .. أو " دوشه " ..





لأنه مدة استلامه للمايك يوم فقط ...كما ذكرت سابقا ....








مـــــــلاحظــــة:





سوف يختار عضووو بعده باعطائه المايك وذلك باختيار صاحب المايك من يريد ان ياتي بعده





وراح اقول من هو في يده المايك بعد مااشوف اذا عجبتكم الفكره او لا





انشالله تعجبكم الفكره







تحياااتي للجميع ...

كتيرحبيت الفكرة حمادة حلوة
ميرسي

نورتي يا وردة عمري

مش خطأ بصير بما انه احنا هون اخوه واصدقاء وحبايب واهل وجيران وووووو

فكرتك حلوه احمد يلا لشوف بائي الاعضاء شو رأيهم

تحياتي

فكرة حلو كتير

نورتو جميعا

انا رح اعطي المايك لسنسونتي

تفضلي جولييت وقولي اللي بقلبك

حلوة كتير الفكرة وشكرا الك كتير

بما انو انا اول عضو معو المايك فا موعرفانة شواكتب والاحلى مومحضرة قبل يعني اللي رح اكتبو هلا طلع بعقلي هلأ
===============================
رح خبركون الاشيا اللي بتدايئنئ والاشيا اللي بتفرحني
بحب كون مبسوطة ومتل ماانا مبسوطة بحب الناس يكونو مبسوطين وبعمل اي شي كرمال ساعد على هالشي
بحب انو الناس اللي بحبون يضلومعي ومايجي يوم نفترق او اخسرون لسبب معين او سبب تافه
ومابحب ازعل حدا واذا زعلتو بحب بعد دقائق نرجع نتصافى مابحب يطول وقت الزعل
انا من الاشخاص سريعين الانفعال بس بعد شوي بروء ولا كانو صار شي
بزعل وقت شوف حدازعلان وبتدايئ اذاشفت حدامريض تعبان
يعني بحمل هم الناس حتى لومابيخصوني
بكره احكم عالشخص قبل مااتعرف عليه وبكره يحكم عليي من مجرد كلمة او معرفة من بعيد لان هو مابيعرف شوانا وشوفي بالبي
بتمنى كل الاعضاء يحبوني وانابحب نتعرف عابعض اكتر ونكون اصحاب
واذاحدا زعلان مني اوزعل بحب يجي يخبرني ولا يشيل بقلبومني لان انابعمل نفس الشي
وبالآخر مافي حدا مننا ملاك
طولت عليكم يمكن بس حبيت احكي اللي بقلبي
آخر شي عندي امنيتين
بتمنى الشخص اللي خلًى لحياتي معنى يضل معي وجنبي طول العمرهو واهلي
وبتمنى الكل يكون ويضل بخير وانشالله هالمنتدى يكبر
===========
العضو اللي بعدي:رهينة الماضي

انا اذا بدور العالم كلو ما بلاقي حدا كلامو احلى منك

بتمنى من كل قلبي امنياتك تتحقق ويخليلك حبيبك ويخليكي الو طول العمر

يلا هديل ناطرينك

يارب
ميرسي احمد
تعي يلا:رهينةالماضي

موضوع رائع أحمد ..

فعلا الواحد يحتاج يقول اللي في باله لأشخاص يثق فيهم ...

وجائت فكرة مايك المنتدى حتى تكون وسيله مناسبه للأعضاء يحكو كل شي يخصهم ..


يعطيك العافيه أحمد فكرة رائعه من إنسان أروع ..

تقبل مروري ..

مووووضوع حلووو بإنتظارك يارهينة الماضي ....

فكره كتييير حلو

فكرة كتير حلوة
والله يحققلك كل امنياتك ياسونا
وحسيت في كتير من طبعك الي يعني منتشابه كتير كأنك حكيتي يلي بقلبي

ياي كتيرحلو كون فيي شي بيشبهك حبيبتي
ميرسي

فعلاً كلام روووووعه وأكتر من رائع

ان شاء الله تتحئئ كل أمنياتك وتعيشي كل العمر وتمرء عليكي كل اللحظات الحلوه

جمب أهلك وحبيبك وأصدقائك وكل الي بحبوكي

ميرسي هديل كلامك حلو كتير بس ما اخدتي المايك وقلتي اللي بقلبك ؟؟؟؟؟

بدايتاً رح أشكر أحمد عالفكره الرائعه وبشكر سونا لانها اختارتني

كل بني ادم عالكره الارضيه عندو أسرار دافنها بئلبو من سنين بس ما عندو الجرأه
انه يئولها لحد وجه لوجه

وكل شخص بحب يئول شو في جواته سواء كان اشي بيسعدو او بدايئو للأشخاص الي بحبهم وبيوثق فيهم

أنا مرحه وبحب الضحك ومجنونة سينا بحب كتير الجمعات مع الاشخاص
الي بعزهم

اكتر شغله بتدايئني الكزب بحب الشخص الصادق ويكون صريح من البدايه
بحياتي ما فكرت أزعل حد وازا حد زعل مني ما بعرف انام بضل ورا ورا
لحد ما يرضا

انا بتمنى ألائي شخص يفهمني وما يفهم كلامي بمعنى تاني
حالياً ئلبي مسكر بالئفل ومش بسهوله رح أفتحه لاني مره حبيت شخص من كل
ئلبي وبعد ما تعلئت فيه تركني وراح بتصرفه هاد أكدلي انه بهاد الزمان الي احنا فيه ما في حب حئيئي يعني أعطاني فكره عن الحب غير الي أنا كنت متوقعتها

أنا لحد الان ما بعرف شو السبب يمكن ما فهمني أو بالاصح ما حبني من البدايه
بجوز كان وهم تهيئات كنت رح أسأله عن السبب بس لما عرفت انه حب حد تاني
بطلت أسأله بلاش يفكر اني بدي أخرب عليه علائته الجديده
وما بحب أفرء بين 2

صراحتاً ما زعلت منه بس تدايئت من تصرفه وهلأ عادي بائيلي شوي وبنسى الي صار

وبتمناله حياه سعيده والله يوفئه بكل اشي بعمله

يا جماعه انا هلأ معصبه كتيررر كتيرر وااااااااااااااع لانه جون سينا خسر الحزام
اخده ار تروث بسبب سي ام بانك الزنخ الله لا يوفئه بديش العب
ان شاء الله برجعله الحزام

بعرف تئلت عليكم بالحكي و وجعتلكم راسكم بس هاد مش كل الي بئلبي لو بدي ائوله كله ما بخلص بعمل جرايد

اسفه كتير ازا أزعجت أو دايئت حد
بتمنى من الكل يسامحني ازا تدايئتو من كلامي



شكراااااااااااااااااااا لقرائتكم

الي بعدي: المدير العام افصح لنا عما بداخلك ازا انت مش مستعد فيك تختار حد

ميرسي الك هديل اولا لانك تمنيتيلي الخير وتتحقق امنياتي ميرسي حبيبتي
و انك تمنيت للجميع السعادة واكيد مابظن حدا زعلان منك لانك حبابة
طبعا هلأ دورك romeoناطرينك

ميرسي هديل اكيد نحن مبسوطين بكلامك وانشاء الله بتجتمعي بشخص يقدر حبك وتجربة لا تعني نهاية العالم منورة
بتمنى ماتختاروني ابدا لاني ماعندي شي بالعامة فاضية

اول شي بتشكر هديل عالكلام والاحساس الراقي كتير وبتمنى تتحقق احلاما

وميرسي عالمايك

احم احم

اول شي انا مارح احكي كتير انا عندي كم امنية رح قولن واستروا ما شفتوا منا

اول امنية : ( وأهم امنية ) الله يخليلي حبيبتي اللي حسستني بكل معاني الحب و (الوفا ) والاخلاص وما تركتني ولا ثانية ولا غابت عني ولا دقيقة وكانت معي عالحلوة والمرة وبعترف اني زعلتا كم مرة بس هي من كبر قلبا سامحتني وما شالت بقلبا .... المهم الله يخليلي ياها ومايحرمني منا وعمري كلو بدي كملو جنبا هي وبس .... لانو هي الوحيدة بين البنات والدنيا كلا اللي بتستاهل الواحد يحبا لاخر يوم بعمرو .......

تاني امنية : بتمنى من قلبي يرجع الأمن والأمان لبلدي سوريا حبيبتي ونرجع متل ما كنا وما نخاف من شي ابدا والله يرد المظالم لاهلا وياخد الظالم وينصر المظلوم يااااا رب

تالت امنية : بتمنى من الله تضل صحتي عليي انا وحبيبتي واهلي واهلها

مارح طول عليكن كتير

رابع واخر امنية : بتمنى يجو اعضاء عهالمنتدى وااااااااع ههههههههه مشان مايروح تعبنا عالفاضي

وهيك بكون خلصت

وشكرا كتير لكل الأعضاء ولسنسونتي

وبدي أعطي المايك ل مرام ( ظلال رمادية )

ميرسي

تشاو

كتيرحلوالكلام احمدانشالله يتحققلك كلشي تمنيتو يارب
وخصوصا يرجع الامان لبلدنا سوريا
يلا مرااااام ناطرينك(ظلال رمادية)

جوليت ورهينة الماضي وأحمد أستمتعت كثير بقراءة كتاباتكم .. الله يعطيكم ألف عافيه ..

هههههههه مو عارفه كيف أبدأ بس راح أعطيكم بطاقتي الشخصيه ..

أنا مرام من المملكه العربيه السعوديه (بلاد الحرمين) الله يحفظها ..

خريجة من كلية العلوم التطبيقيه (الرياضيات) .. وأنتظر يفتح التسجيل عشان ألتحق بالماستر ..

أمس كنت بالروضه وابكي على ماما واليوم معاي شهادة البكالوريا الزمن يمشي يعني وين كنا وكيف صرنا ..

من خلال مسيرتي الدراسيه ماحبيت ولا شخص يمكن لأن مدارسنا بنات بس مافي إختلاط ولا كان تلاقوني غرقانه بالحب ههههههههههههه بس كويس كثير ان التعليم عندنا منفصل أستر للبنت وفي إحترام لخصوصية كل جنس ..

بس في أقاربي يعني ولاد عم ولاد خوال بس وااااااع كل يوم أتضارب معاهم يعني مافي مجال للحب بالمرررررررة ...

آخر العنقود ولحالي أنا وأخويه مع بابا وماما عندي 4 إخوان شباب وأخت وحده عايشه بأستراليا الله يرجعها بالسلامه بس كلهم متزوجين بس فاضل آخر ولد معاي الله يعين عليه حتى ينقلع ههههههههههههههه

أحب الهدوووء وما أحب أزعل أحد أبداً أزعل ناااادراً ومايطول زعلي كثير .. أحب التسامح والضحك والمزح ..أحب القراءه كثير عيوني راحو فيها هههههههه كمان أحب الشوبنق ولو أسكن فيه ما أمل ..


ما أحب الغيرة والحسد والحقد .. أتمنى العالم تعيش بسلام .. لأني من محبي متابعة الأخبار بشكل غريب أتمنى لسوريا ألإستقرار من كل قلبي وفلسطين النصر على اليهود وأتمنى يكون عام 2011 وجه السعد عالجميع ..

بجد إحنا في السعوديه نتابعكم وقلوبنا معاكم وماننساكم من صالح دعائنا ..

ووووووبس هذي كل اللي عندي شكراً أحمد أعطيتني فرصه أتكلم ..

بجد أنتو أصدقائي وكثير أحبكم ..

أختكم مرام ..

استمتعت كتير بقراءة اللي كتبتيه يا مرام وعنجد مبين انك بتقرأي كتير طريقتك بالكتابة وبالسرد كتير حلوة

ميرسي الك وبتمنالك التوفيق بحياتك

وبما انك ما اخترتي مين يكون بعدك انا رح اختار

بعطي المايك ل مغرورة بس معذورة (سارة) يا ريت تتفضل وتحكي اللي بقلبا

هي هي مرومتي الحنونة الطيبة
كتيرحبيت كلامك مرام وخصوصا امنيتك لسوريا ميرسي حبيبتي

ولي عليك يااحمد
سارررررة ههههه
طيب يلا وينك سارررررة(مغرورة بس معذورة)

شكراً روميو وجوليت على ردودكم الحلوة ..

وسوري نسيت أختار بس أحمد أختار في إنتظارك ياسارة ....

احمد الله يحئئلك الي ببالك ويهنيك ويسعدك ويطول عمرك ويخليلك حبيبتك
وان شاء بتحئئ الامنيات الاربعه كلهم وحده ورا التانيه

كلامك كان كتير حلو ومعبر كله احساس

مراااااام ما في متلك بالدنيا بتجنني وشخصيتك رووووووووعه
وكلامك اروع الله يسعدك ويهنيكي ويا رب تتحئئي كل الي نفسك في

يلا ساره انبح صوتنا واحنا مناديلك

هههه يلا تعيييي سارةةةةة

احمد الله يحقق لك كل احلامك وتعيش سعيد انت وحبيبت القلب
مرام انت كتير طيبة وحنونة وانا كتير حبيت كلامك بتمنالك السعادة
يلا سارة لازم اذا عضو من الاعضاء تأخر تغيرو احمد وبتعطي فرصة لغيرو بس اكيد ما عم قول هيك منشاني لانو انا مابدي قول شي

رح نرشح عمر لان سارة مادخلت

اول شي بسم الله الرحمن الرحيم
اسمي عمر عمري23 سنة خلصت دراسة تجارةو اقتصاد في سوريا وحاليا بفضل رب العالمين وفضل أخوي بشتغل بصيانة الخليوي وكتير بحب عملي لأنوا على طول في شي جديد وبتعلموا وحلو الواحد على طول يتعلم ويكون كل يوم في شي جديد
اما بالنسبة للحب فقصتي طويلة وحزينة كتير رح اختصرها
حبيبتي الأولى حبينا بعض لمدة 3 سنين وبعدها تركنا بعض بسبب أهلها وجوزوها غصب عنها وهي نا اللي حبيتها من كل قلبي ومابنساها وبتمنالها كل خير وصار عندها ولاد وسميت ابنها على اسمي
وحبيبتي التانية هي حبتني بالجامعة بعد سنتين ماتركت انا ماحبيتها بالبداية ولما بلشت حبها ضلينا فترة وبالصيفية ماتت بحادث سيارة الله يرحمها ويجعل مثواها الجنة وهيك قصتي مع الحب حظي تعيس معو لهيك مابحاول ارتبط بحدا صرت بخاف ارتبط
حياتي بسيطة كتير وقلبي طيب كتير بحب جميع الناس وبتمنالهن السعادة والهنا اكتر من نفسي مابحب زعل حدا ولا حدا يزعل مني
واخيرا بتمنى وعلى طول عبدعي انوا ترجع سوريا متل مابنعرفها قوية شامخة اللي تعتبر الأم لكل الوطن العربي الله يحميها
بحب الموسيقا والرياضة بمارسها بكل أنواعها وكتابة الشعر ومساعدة الأخرين
اخيرا بتمنالكن من قلبي كل خير وشكرا كتير الكن على سماعي واستروا ماشفتوا مني

برشح بعدين رنوش تحكي المايك معك رنا

يسلمو كتير الك عمر

بسم الله الرحمن الرحيم
اسمى رولا عمرى 20 سنه بدرس بجامعه بوكس هيل قسم جرافيك وهو قسم كتير حلو بس صعب شوى وانشالله اتخرج منو على خير
بالنسبه للحب حبيت مرتين ومن سعتها لسه ما حبيت حدا ادعولى انشالله قريب
كتير بحب الناس وما بحب حدا يزعل منى وبحب المرح كتير وما بحب ازعل حدا لان بحب كل الناس
وكتير بحب الرياضه واكتر شى بحب التنس وهو اكتر هوياتى كنت بلعب فى الاول بس الحين بطلت العب
هيدا كل شى عنى
وبتمنى ان ما اكون طولت عليكم
وبدى اشكر عمر كتير لانو اختارنى

برشح بعدى ام عمرتحكى المايك
بس اذا هى حكت من قبل انتو اختارو حدا

تسلمي يارب رنا ولا شكر على واجب والله يوفقك يارب بحياتك كتير اتشرفنا بمعرفتك وبتمنالك حياة سعيدة وحلوة

كتير زعلت على قصتك عمر وبتمنالك السعادة بحياتك
وانت رنا انشاء الله بتلتقي بحبيب القلب عن قريب
وميرسي لانك رشحتيني
انا ما عندي شي كتير قولو انا اية وعمري 23 متزوجة من 5 سنين تقريبا وعندي ولدين وصرتو بتعرفوهن والحمدلله كتير مبسوطة بحياتي و بحب زوجي كتير وهو الشغلة الوحيدة يلي بحمد الله عليها طوال عمري
وانا كتير مبسوطة كمان بوجودي معكن وبحب الكل وبتمنى السعادة للكل
واخر كلمة بدي قولها انو الله يحمي بلدي سورية ويرجع الامان على بلاد المسلمين جميعا
سامحوني اذا كان ظلي تقيل عليكن
برشح بعدي اسير الرومنسية علاء

الله يخليلك زوجك وولادك ويهنيكي طول العمر
ويارب يستجاب دعوتك ويرجع الامان لسوريا
يلا علااااء تعا(اسير الرومانسية)

اول شي انا اسمي علاء عمري 23 سنه طبعا حياتي كلها والحمد لله حظوظ

لانو مافي شي زابط معي ههههههههههه بختصار انا لح ضل وحيد لانو فعلا انا وحيد

هلا انا حبيت بنوته كتير طيوبه وحبابه وحبينا بعض لسنه لكن توقع منها انو

ماحضل تحبني بس انا فعلا حبيتها من كل ئلبي المهم انا لح ضل حبها

وانا حياتي كلها تعب وارهاق ماعم بعرف نام الليل من كتر التفكير

وانا ع فكره حساس كتير ههههههههههه ورومنسيه لأبعد الحدود

بحب كل شي رومنسي بالحياه وبحب الهدوؤ كمان

عصبي اي لكن بعد شي ساعه بروئ والحمد انا مابدي مدح نفسي انا ئلبي طيب

ومابحب المشاكل بحب ساعد المظلوم والفقير بحب كل النا الي ئلوبهن

فيها رحمه ومشاعر وحنيه ورئفه بالانسان بحب كل شي .

وبالاخر بشكر صاحب هالموضوع

وانا بدي رشح ( جولييت ) اوكي .

انا كتبت ياعلاء قبل ميرسي انك ذكرتني

رح اعطي المايك لجورج